ნამდვილი ევროპელი,

    ქალის და მამაკაცის თანასწორობა ხო წარმოგიდგენიათ რა აქტუალური თემაა ამ შუაგულ ევროპაში – ტრანსპორტში რომ ზიხარ, ოთხმოცი წლის ბებო თუ შემოგხედავს მადლიანი თვალებით, ადგილი რომ დაუთმო, თორემ სხვა შემთხვევაში რომ წამოდგე, სულელურ მდგომარეობაში უნდა ჩაიგდო თავი და მეტი არც არაფერი.

    დათმობილ ადგილისკენ გოგო არც კი გაიხედავს; არ ელის და არც სურს ვინმემ ანგარიში გაუწიოს მის “სუსტ” სქესს. დარჩება სკამი ცარიელი, სანამ შემდეგ გაჩერებაზე ამოსული ვინმე არაბი მამრი არხეინად არ დაისაკუთრებს გოგოსთვის “სულგრძელობით” გათავისუფლებულ ადგილს. შენ იდგები ისე…

    კარებში გატარება, ბარგის გამორთმევა – ზედმეტ მოძრაობად ჩანს აქ ეს ყველაფერი.. ეჩვევი ნელ ნელა.

    ხოდა ესეთი ამბავია და ვზივართ ლექციაზე, რაღაც ნავიგაციის გაკვეთილი გვაქვს, ყოფილი ბოინგის პილოტი გვესწრება და შიგადაშიგ რაღაც ზოგად ამბებს გვიყვება – ერთი დღეაო, საშინელი გვერდითი ქარიაო, საერთოდ რომ აკრძალულია მასეთ დროს თვითმფრინავის აეროპორტში დაჯდომა და ერთმა ქალმა პილოტმა მაინც ჯიუტად გარისკაო, კი დასვა ის თვითმფრინავი, ( ერთ მომენტში ფრთითაც კი შეეხო ასაფრენ ბილიკს, იმდენად გადაყირავდა ქარისგან, youtube-ზე ნახავთ მაგ კადრებს ) მაგრამ მადლობის ნაცვლად არასწორი გადაწყვეტილების გამო წითელიც აუნთესო…

    გვარს აღარ დავასახელებ, ერთი ჩემი მოსახელე გიორგია – საფეთქელზე მიდებული თითი მაღლა აწია, ჰაერში ნახევარწრე შემოხაზა, გაკვირვება-აღშფოთებისგან ტუჩები წინ გადმობურცა და – ” უამრავი საქმეა რაც ქალმა უნდა აკეთოს, წავიდნენ რა მიხედონ.. საერთოდ არ მესმის პილოტობას, ასეთ საპასუხისმგებლო რამეს ქალს როგორ ანდობენ. ეგ კი არა, მანქანასაც კი ვერ ატარებენ წესიერად… ”

    ერთი რა სიტყვებით უნდა ავღწერო იმ წამის სახეები, ჩვენ გერმანელ ჯგუფელ გოგოებს რომ ჰქონდათ. არ მეგონა მათ რისხვას ცოცხალი თუ გადაურჩებოდა.. საღამოს კორიდორში ფრთხილად გამოვყოფდი ხოლმე თავს, მაინტერესებდა, ხომ მშვიდობა იყო ჩვენი გრუზინის კარებთან..

5 Responses to ნამდვილი ევროპელი,

  1. Cyborg says:

    კორიდორი ბჯო, კორიდორი.

    რაც შეეხება თანასწორობას: რო გადაგვკუზავენ და გაგვიყრიან მერე ნახეთ თქვენ ჩვენი უბედურება თორე…

  2. zvigena says:

    raiyo ra pesimistur molodinshi xar 😀 tu rame iseti ici rasac me jer ver vamchnev

  3. shore says:

    kargi iyoo:):)))))))))))) haershi titit wris shemoxazvamde:)))))))))))))))))))))))))))

  4. ეთუსიკ says:

    ,,კარებში გატარება, ბარგის გამორთმევა – ზედმეტ მოძრაობად ჩანს აქ ეს ყველაფერი..”

    -როგორ მეცინება ამ ტიპის ტექტებზე შენ არ იცი. ძალიან ბევრჯერ დამიწერია აქამდეც, და კიდევ ერთხელაც განვმეორდები:

    ორსული ვდგარვარ ფეხზე ხალხით გაძეძგილ ავტობუსში და ადგილი არ დაუთმიათ.

    მიწისქვეშა გადასასვლელში ვერ მოვთვლი რამდენჯერ ჩაუვლიათ გულგრილად ჯანიან ბიჭებს/კაცებს მაშინ, როდესაც ცალ იღლიაში ბავშვი მყავდა ამოჩრილი და მეორეში კიდევ ეტლი.

    ქალის კულტი მხოლოდ სადღეგრძელოებში, ცხოვრებაში ორმაგი სტანდარტები. აი ესაა ქართული დამოკიდებულება ამ ყველაფრისადმი.

    ხოდა, რასაკვირველია ეხლა აღარ მჭირდება აღარ დათმობილი ადგილი, აღარც ფსევდო-ჯენტლმენობა და სუსტი სქესის ტიტულიც თქვენთვის გადმომილოცნია :))

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

%d bloggers like this: